Vel heppnað örnámskeið um LinkedIn

IMG_0755 (2) (2)

Hjalti Rögnvaldsson

Þann 15.desember sl. stóð FVH fyrir örnámskeiðinu “Lærðu að nota LinkedIn” þar sem Hjalti Rögnvaldsson, markaðssérfræðingur hjá Íslandsbanka fór yfir hvernig þú getur nýtt þér LinkedIn til þess að mynda tengsl og leita að atvinnutækifærum.
Tæplega 30 manns mættu á námskeiðið sem haldið var í fundarsalnum Þjóðgarði í VR húsinu.

Hér má nálgast glærurnar sem Hjalti studdist við á fundinum.

Við þökkum námskeiðsgestum kærlega fyrir þátttökuna og óskum ykkur sem og öllum félögum FVH gleðilegra jóla!

Við hvetjum ykkur til að fylgjast með félaginu hér á vefsíðunni og á Facebook síðunni okkar þar sem metnaðarfull og spennandi dagskrá er framundan.

Frá námskeiðinu 15.desember

Lærðu að nota LinkedIn

Félag viðskiptafræðinga og hagfræðinga stendur fyrir örnámskeiðinu „Lærðu að nota LinkedIn“ þann 15.desember nk.

LinkedIn er einn stærsti sérfræðigrunnur í heimi með yfir 300 milljón meðlimi út um allan heim. Með þvi að skrá sig á LinkedIn gefst fólki kostur á að setja upplýsingar um menntun sína, hæfni og starfsreynslu fram á skilmerkilegan hátt og búa sér þannig til sterkara tengslanet.

Hjalti Rögnvaldsson

Hjalti Rögnvaldsson

Á námskeiðinu mun Hjalti Rögnvaldsson fara yfir hvernig þú getur nýtt þér LinkedIn til þess að mynda tengsl og leita að atvinnutækifærum.

Hjalti er sérfræðingur í markaðssetningu á netinu hjá Íslandsbanka og hefur undanfarin misseri kennt námskeið um hvernig hægt er að líta vel út á netinu.

Námskeiðið verður haldið í fundarsalnum Þjóðgarði VR húsinu, Kringlunni 7, kl.8:30-9:30. Boðið verður upp á léttan morgunverð á meðan fundinum stendur.

Fundurinn er frír en þrátt fyrir það viljum við biðja þá sem hafa hug á því að mæta á fundinn að skrá þátttöku sína hér fyrir neðan.

 

 
Online Form powered by

Samantekt af opnum fundi 17.nóvember – Eru bankarnir of stórir ?

Þann 17.nóvember sl. hélt FVH opinn fund á Fosshótel Reykjavík sem bar yfirskriftina “Eru bankarnir of stórir?”. Á fundinum hélt Ásgeir Jónsson dósent í hagfræði erindi þar sem hann velti því upp hvort aðskilnaður viðskipta- og fjárfestingabankastarfsemi væri til bóta. Eftir erindið fóru fram pallborðsumræður þar sem efni fundarins var rætt og ólíkum sjónarmiðum velt upp. Þátttakendur í pallborði voru Ásgeir Jónsson, Frosti Sigurjónsson, Dr. Þóranna Jónsdóttir og Tryggvi Pálsson. Á fundinn voru mættir rétt rúmlega 100 gestir.

Ásgeir segist ekki vilja aðskilja viðskiptabanka- og fjárfestingarbankastarfsemi þar sem það sé dýrt og gæti þýtt enn eina séríslensku reglugerðina sem auki kostnað bankanna. Hann lagði þó til að það yrði skoðað hvernig þessir tveir hlutar bankans séu reknir saman. Frosti Sigurjónsson, formaður efnahags- og viðskiptanefndar Alþingis var annarar skoðunar og sagðist styðja þingsályktartillöguna um aðskilnað sem lögð var fram af stjórnarandstöðunni fyrir stuttu síðan. Eftir pallborðsumræður voru teknar nokkrar spurningar úr sal.

Hér má nálgast glærurnar sem fylgdu erindi Ásgeirs.

Við þökkum þeim sem mættu fyrir þátttökuna á þessum fróðlega og skemmtilega fundi.

Ásgeir Jónsson, dósent í hagfræði við HÍ hélt erindið "Er skilnaður til bóta?"

Ásgeir Jónsson, dósent í hagfræði við HÍ hélt erindið “Er skilnaður til bóta?”

Pallborðsumræður. Frá vinstri: Tryggvi Pálsson, Dr. Þóranna Jónsdóttir, Frosti Sigurjónsson og Ásgeir Jónsson

Pallborðsumræður F.v.Tryggvi Pálsson, Dr.Þóranna Jónsdóttir, Frosti Sigurjónsson og Ásgeir Jónsson