Golfmót FVH 2018 !

Golfmót FVH – föstudaginn 24. ágúst á Hamarsvellinum í Borgarnesi !

Þátttökugjald er 9.000 kr. fyrir almenna þátttakendur (mótsgjald, rúta báðar leiðir og kvöldmatur) og 7.500 kr fyrir félagsmenn FVH.

Dagskrá:
11:30 Brottför – Mæting við Hús verslunarinnar, Kringlunni 7
14:00 Mótið ræst
19:00 Kvöldverður

Þetta er léttleikandi mót þar sem bæði lág- og háforgjafamenn geta spilað. Mótið er punktakeppni með forgjöf, keppt er í karla, kvenna og B flokki (forgjöf 20+, en hámarks forgjöf er 28).

Mótið er annálað fyrir fjölda og glæsileika verðlauna – þannig að þetta er mót sem enginn félagsmaður FVH má láta fram hjá sér fara. Öllum er velkomið að taka þátt.

Skráning á golfmót FVH 2018 á golf.is og í gegnum Facebook.
Skráning í rútu sendist á fvh@fvh.is

Greitt er á staðnum nema óskað verði eftir greiðslukröfu sem myndast þá í banka.

VALITOR styrkir golfmót FVH 2018

Hlökkum til að sjá sem flesta !

Hádegisverðarfundur FVH 30. maí

Hádegisverðarfundur FVH á Nauthól 30. maí sl.

Viðburðurinn var með yfirskriftina: Starfsframi eða stöðnun. Kjör, umhverfi og verkfæri millistjórnenda.

Kjarakönnun 2018 birt, sjá hér og glæný launareiknivél var kynnt.

Andrés Jónsson almannatengill hélt skemmtilegt og fróðlegt erindi um atvinnutækifæri viðskipta- og hagfræðinga.

MYNDIR FRÁ DEGINUM

Starfsframi eða stöðnun ? Kjör, umhverfi og verkfæri millistjórnenda

Hádegisverðarfundur FVH verður haldinn á Nauthól 30. maí nk. kl. 12:00.

Niðurstöður kjarakönnunar félagsins verða kynntar – en Zenter rannsóknir sáu um framkvæmd rannsóknarinnar.

Í framhaldi mun félag viðskipta- og hagfræðinga kynna nýja launareiknivél.

Tilgangur reiknivélarinnar er að gefa félagsmönnum færi á að fá aðgang að áætluðum meðallaunum sem eru byggð á gögnum úr launakönnun FVH.

Reiknivélin er gagnvirk og gefur notendum færi á að nálgast upplýsingar sem byggja á niðurstöðum aðhvarfsgreiningar um áhrif þátta eins og kyns, aldurs og fjölda ára á vinnumarkaði á laun einstaklinga.

Með reiknivélinni er hægt að sjá á einfaldan og fljótlegan hátt áætluð meðallaun viðskipta- og hagfræðinga fyrir allar mögulegar samsetningar á bakgrunnsbreytum.

Andrés Jónsson almannatengill mun í framhaldi ræða um atvinnumarkaðinn og horfur á honum.

Magnús Þorlákur Lúvíksson sem starfar við viðskiptaþróun hjá Icelandair stýrir fundinum og skoðar niðurstöður kjarakönnunarinnar.

Verð: fundur með hádegisverði

3.950 kr. meðlimir í FVH
3.950 kr. nemendur í viðskipta- eða hagfræði
5.950 kr. gestir

 

SKRÁNING

Aðalfundur FVH verður haldinn fimmtudaginn 31. maí

Aðalfundur Félags viðskiptafræðinga og hagfræðinga (FVH) verður haldinn fimmtudaginn 31. maí 2018 kl 17:00 í Húsi verslunarinnar (jarðhæð), Kringlunni 7, Reykjavík.
Dagskrá:
1. Skýrsla um störf félagsins á liðnu starfsári.
2. Reikningsskil.
3. Breytingar á samþykktum.
4. Kosning stjórnar.
5. Kosning endurskoðanda.
6. Önnur mál.

Framboð til stjórnar FVH verða að hafa borist á netfangið fvh@fvh.is í síðasta lagi þann 24.maí.
Allir félagsmenn eru hjartanlega velkomnir en vinsamlegast tilkynnið þátttöku með tölvupósti á: fvh@fvh.is

Samþykktir FVH uppfært maí 2018

Hádegisverðarfundur FVH – Málefni líðandi stundar

Efnistök verða kynnt síðar

Þekkingardagurinn 2018 – þekkingarverðlaunin

Verðmætasköpun á sviðum gervigreindar og skyrframleiðslu. Skráðu þig á Þekkingardaginn 2018.

Þekkingardagurinn 2018 er undir yfirskriftinni „Frá samtölum til skyrs: verðmæt þekking leynist víða“. Aðalfyrirlesarar eru tveir og flytur hvor sitt erindið:

Guðmundur Hafsteinsson, framkvæmdastjóri hjá Google:
„Maður, tölva og eitt lítið samtal“
Sigurður Hilmarsson, stofnandi Siggi´s skyr:
„Siggi’s skyr frá upphafi til dagsins í dag“

Forseti Íslands er verndari Íslenska þekkingardagsins og mun veita tvær viðurkenningar:

* Þekkingarverðlaun Félags viðskipta- og hagfræðinga 2018. Í ár munu þau fara til þess fyrirtækis sem hefur sýnt yfirburði og mikinn árangur með þróun eða innleiðingu stafrænna lausna í starfsemi sinni. Fjögur fyrirtæki eru tilnefnd: Arion banki, HB Grandi, Skaginn 3X og Vísir hf.

* Viðskipta-, eða hagfræðingur ársins. Viðurkenningin er veitt þeim viðskipta- eða hagfræðingi sem þykir hafa skarað fram úr á árinu áður, á íslenskri eða erlendri grundu.Þekkingarverðlaun félags viðskipta- og hagfræðinga eru veitt á Þekkingardeginum 2018 27. apríl nk. í Iðnó.

Þekkingardagurinn er ráðstefna og verðlaunaafhending þar sem valið er fyrirtæki ársins og viðskipta- eða hagfræðingur ársins.

4 fyrirtæki eru tilnefnd í ár.

Þau eru: Arion banki, HB Grandi, Skaginn og Vísir hf.

Í ár er fyrirtæki valið sem hefur sýnt yfirburði og mikinn árangur með þróun stafrænna lausna í starfsemi sinni. Fyrirtæki sem hefur þróað og innleitt stafrænar lausnir sem hafa haft jákvæð áhrif á rekstur fyrirtækis, aukið framleiðni og þjónustu.

Einnig eru veitt verðlaun til þess viðskiptafræðings eða hagfræðings sem þykir hafa náð góðum árangri í starfi árið áður, á íslenskri eða erlendri grundu.

Dómnefnd Þekkingarverðlaunanna í ár skipa:

Ásta Dís Óladóttir

Katrín Amni Friðriksdóttir

Katrín Júlíusdóttir

Magnús Þorlákur Lúðvíksson

Sigríður Mogensen

Sverir Sigursveinsson

Ráðstefnustjóri:
Ásdís Kristjánsdóttir, Forstöðumaður efnahagssviðs Samtaka atvinnulífsins
Staður: Iðnó
Dags: 27. apríl
Kl. 12:30 – 15:30

 

NÁNARI DAGSKRÁ KEMUR INN SÍÐAR

Verð:

3.950 kr. meðlimir í FVH
3.950 kr. nemendur í viðskipta- eða hagfræði
5.950 kr. gestir

 

Skráning og miðasala:

https://goo.gl/jj472i

Fagnaðarfundir FVH á KEX Hostel

Hádegisverðarfundur FVH – Málefni líðandi stundar

Efnistök verða kynnt síðar

Fagnaðarfundir FVH á KEX Hostel

Hvernig færðu góða vinnu ?

Hvernig færðu góða vinnu ?

Nokkur framaráð fyrir alla þá sem eru að koma út á vinnumarkaðinn, vilja breyta til eða hafa áhuga á að efla sig á vinnumarkaðinum. 

Björgvin Ingi Ólafsson verður með skemmtilegan fyrirlestur fyrir alla þá sem hafa áhuga á að ná meiri árangri í atvinnulífinu.

Björgvin Ingi er hagfræðingur með MBA frá Kellogg School of Management. Hann hefur brallað ýmislegt allt frá bókarskrifum, sjónvarpsþáttastjórnun, háskólakennslu, stjórnarsetu í fyrirtækjum auk þess að hafa verið framkvæmdastjóri hjá Íslandsbanka og ráðgjafi hjá virtasta ráðgjafarfyrirtæki í heimi, McKinsey & Company.

Kex hostel, Gym & Tonic salurinn – FRÍTT INN & veigar á hagstæðum kjörum !