Næsti viðmælandi Viðskiptaspjalls Kjarval og FVH er, eitt eftirsóttasta kvikmyndatónskáld samtímans, Atli Örvarsson sem mætir í spjall fimmtudaginn 2. nóvember kl. 16:30.
Atli er afkastamikill tónlistarmaður, útsetjari og stjórnandi sem samið hefur tónlist fyrir óteljandi sjónvarpsþætti og yfir 40 kvikmyndir. Hann hefur hlotið fjölda verðlauna fyrir sitt starf og komið heimabænum Akureyri á kortið sem alþjóðlegum áfangastað fyrir upptökur á kvikmyndatónlist í samstarfi við SinfoniaNord.
Velgengni Atla hefur skilað honum á lista yfir helstu skattgreiðendur landsins síðustu árin en hann flutti heim til Íslands árið 2020 eftir áralanga búsetu í Bandaríkjunum. Við fáum Atla í einlægt spjall um reynsluna, áskoranir, tónlistina og spyrjum er tónlist góður business?
Við verðum að venju á vinnustofu Kjarvals og er þetta tilvalið tækifæri til að mæta í miðbæ Reykjavíkur þegar gera má ráð fyrir að borgin og tónlistarlífið iði í tilefni Airwaves sem stendur yfir 2-4. nóvember.
Skráðu þig strax til að tryggja þér sæti á þetta skemmtilega spjall við einn af betri sonum Íslands.
Comentarios