Félag viðskiptafræðinga og hagfræðinga stendur fyrir vali á þekkingarfyrirtæki ársins út frá fyrirfram tilgreindu þema hvert ár. Félagið óskar eftir tilnefningum frá félagsfólki og almenningi yfir nokkra vikna tímabil. Dómnefnd fer síðan í gegnum þær tilnefningar sem berast og óskar eftir rökstuðningi frá þeim fyrirtækjum sem falla innan þess ramma sem er tilgreindur í þema hvers árs. Það fyrirtæki sem þykir hafa skarað framúr með tilliti til þema verðlaunanna hlýtur nafnbótina Þekkingarfyrirtæki ársins. Jafnframt hlýtur amk. eitt fyrirtæki á hverju ári sérstaka þekkingarviðurkenningu  í vali dómnefndar. 

​

Forseti Íslands er sérstakur verndari verðlaunanna og hefur verið það frá upphafi en Þekkingardagurinn var fyrst haldinn í nóvember árið 2000. Á þekkingardeginum veitir FVH einnig verðlaun til þess viðskipta- eða hagfræðings sem þykir hafa skarað fram úr á sínu sviði. 

​

• Markmið þekkingarverðlaunanna er að heiðra fyrirtæki sem sýnir framúrskarandi sérfræðiþekkingu, nýsköpun og/eða aðlögunarhæfni í sínu fagi. 
   

• Markmið þekkingarviðurkenningunar er að vekja athygli á og hvetja til dáða fyrirtæki sem dómnefnd metur að sé á eftirtektarverðri vegferð.
   

• Markmið með viðurkenningunni viðskipta-/hagfræðingur ársins er að veita einstaklingi hvatningarviðurkenningu fyrir að hafa sýnt af sér framúrskarandi færni eða tekið þátt í verkefnum eða afrekum í íslensku viðskiptalífi sem eru öðrum til eftirbóta.